तीजको रहर आयो बरी लै (फोटोफिचर)

तीज नारीहरुको सांस्कृतिक महत्वको पर्व हो । विशेष गरेर हिन्दु नारीहरुको एकता, सुख, वैभव र सौभाग्य एवम् समृद्धिको प्रतिकका रुपमा रहेको यो चाड बिहीबार मुलुकभर हर्षोल्लासपूर्वक मनाइँदैछ । देशभरका महादेवका मन्दिरहरु, देवालय तथा हिन्दुहरुको आराध्यदेव पशुपतिनाथ मन्दिर परिसरमा यति वेला ठूलो मेला लागिरहेको छ । ब्रतालू महिलाहरु भ्गवान शिवको आराधनाका लागि मन्दिरहरुमा लाइन लागेका छन् ।

विवाहिता महिलाहरुले निराहार (पानीसमेत नखाई) कठोर रुपमा ब्रत बसी भगवान शिवको पूजा आराधाना गर्ने, पतिको सुख, समृद्धि र दिर्घायूको कामना गर्ने गर्दछन् । त्यसो त अविवाहिता महिलाहरुले पनि राम्रो बर पाउँ भनी ब्रत बस्ने गर्दछन् । हिन्दु संस्कार अनुसार रजस्वला भैसकेकी महिलाले तीजमा ब्रत बसेर महादेवको उपासना तथा व्रत अनुष्ठान गर्ने परम्परा रही आएको छ । परापूर्व कालमा आजकै दिन पार्वतीले भगवान शिव पति पाउँ भनि कठोरपूर्ण व्रत साधना गरेको र सोही ब्रतका प्रभावले पार्वतीेले भगवान शिव पति पाएको भन्ने किंवदन्ती अनुसार तीजमा महादेवको उपासना गर्ने प्रचलन रहेको छ ।