Welcome to My Blog!

तिमी
इतिहासको खुल्ला संग्रहालय हौ
जहाँ देख्न सकिन्छ जीवनका
मुहुर्त
श्वाम/स्वेत चित्रहरु

तिमी
लाखौँ पैतालाका डोव कुँदिएको अनन्त बाटो पो हौ
हिमालय पर्वतबाट झरेकी
कञ्चन गंगा हौ
पवन मुहान हौ
सृष्टी, सभ्यता र सिर्जनाको

तिमी
फगत नारी मात्र कहाँ हौ ?
तिमी त मन्दराचल हौ
पकृतिको अनन्य आँचल पनि हौ
तिम्रो स्वप्नबाट फुल्दछ संसार
तिम्रै आगमनले छाएको छ बहार
र बनेको छ धर्ती बास्नादार

तिम्रै
पैतालाका पदचाप मुनी
कुदिँएका अस्तित्वका आलोकमा
सजिएरहेछ संसार
खुला र उन्मुक्त पवनमा
निश्वास फिँजिएको छ र
मानिसहरुले जिन्दगीमा जीवन पाएका छन् ।
नारी/©रामनाथ खनाल